Your Content Here
اليوم الجمعة 10 يوليو 2020 - 5:56 صباحًا
الأخبار
إلياس بنعلي: كورونا.. هل هناك لقاح سري تم إخفاؤه؟! وهل هي بداية الصدام بين الدول العظمى؟      محمد المنصوري: الرقابة الدستورية على مشروع قانون الاضراب      حسن المرابطي: لهذا السبب وجب إصلاح تديننا أصالة      بلاغ إعفاء مكتري المحلات الحبسية المخصصة للتجارة والحرف والمهن والخدمات، والسكنى من أداء الواجبات الكرائية      مبارك بلقاسم: علم الفيروسات باللغة الأمازيغية      كوفيد 19 .. وزارة الصحة تدعو إلى عدم الانسياق وراء الشائعات لما لها من تأثيرات سلبية على نفسية عائلات المرضى      محمد زريوح: إنكشاف الأقنعة في زمن الكورونا      محمد المنصوري: زمن الكورونا بين تدابير وقائية حكيمة  وشكوك  لاستهداف  مكتسبات تاريخية      حسن المرابطي: أولى الأوليات في زمن كورونا      إلياس بنعلي. أسرار الفيروس الغامض “كورونا” المستجد وطرق الوقاية والعلاج منه، وهل هو طبيعي أم هو سلاح بيولوجي موجه؟      
أخر تحديث : الإثنين 11 مارس 2013 - 6:42 مساءً

Mada wi da-s i3eqren i-3am-nni n-ssem7a

محمد شاشا :

Mada wi da-s i3eqren
I-3am-nni n-ssem7a?
Kenniw irifiyyen
D-mjahden zi rebda
Tjahdem zeg ufus n-wem
Jahdent ra d-tiniba
A-yamjahed ya-mmi
Ma teswid ma? ruxa
Ma-yen ebunt d-aman
Ge3dent akd tsudar
Rqayed n-tizi 3ezza
Idzemma batata
Iwta di ssenyan
Izwa ghar malagha
Rnittiw-d r3eskar
Ma-wa qa yeqda
Manis tekka temnaraf?
X malagha tezwa
Aneggaru n-sen
Di l7emmam i-gawda

Mada wi-da-s i3eqren
I-3am-nni nessem7a?

Aseqsi ijebbed-d iseqsan, aseqsi itghima innurzem, Maca merra min xef teddura, xef wi da-s i3eqren i-3am-nni nessem7a. Ma yessawal da xef wesma7 ni xef me77u, neksi-t zeg umezruy, 3la7sab min-d ittasen awen-as isfekkar irifiyen d trifiyyin zeg ujahed u bnadem itfekkar wennedni mara yettu nigh yexs ad ittu.

Kenniw irifiyyen
D-imjahden zi rebda
Tjahdem zeg ufus n-wem
Jahdent ra d-tiniba

Qa war idji min gha tinim, war din bu wemcan i-cek, marra teggim afus aryaz tamghart, kenniw mged mged.

A-yamjahed ya-mmi
Ma teswid ma? Ruxa

Da mara bnadem war itebbet deg wawar ad-as iweddar webrid, war itghimi yessen min xef issawal minzi muk itwanna yezri iqse7 xef yijjen zi ttarf ad-as ifhem, izri bac ad-as ifhem wi ytesran ixes ad xa-s ikemmel bac ad yawed ghar man yexs ad issiwed wen-t yennan. U mayenzi awar ibeddan di mayen yexs ad yarni wembe3d ibedda qber ma ad yandu ghar beddu n-yezri awarna-s. Bac ad awdegh ghar min xsnegh ad inigh ixes izri ad itwaser am-ya:

A-yamjahed yamm-i
Ma teswid ma?
Ruxa, mayen rbunt d-aman
Ge3dent akd tsudar

Da ittewqi3 used7ec xef usepanyu i-xef itwag l7isar war yettif min-zi gha yessuf tmijja muk i-danegh gha yini wembe3d xef lqadi n-tizi 3ezza, deg wakud inettaf tiniba rebbunt aman tge3edent akd tsudar war tnuffurent u i-yexsen ad yini war iqqim useppanyu itedhur, war qqiment trifiyyin tegwdent war tnuffurent.

Rqayed n-tizi 3ezza
Idzemma batata.

Muk itwanna qber rqayed idzemma batata 7ima war-t ineq fad, r3eskar war iqqim, itettar lighata.

Iwta gi ssenyan
Izwa gha malagha

Nettaf da muk tugha i-da-s qqaren i-ttilifun deg wakud-nni, ssenyan u attas 3ad rux qqaren i-te7nakt n-ttilifun ta7nakt n-ssenyan

Rnittiw-d r3skar
Ma-wa qa yrqda.

Aseppanyu war yufi min-zi ittebra, yarra x rqayed zeg useqsi iste3jab:

Manis tekka temnaraf?!

Inna-s rqayed:

X malagha tezwa
Aneggaru n-sen
Gi l7ammam i-gewda.

Da yura umezruy deg yires useppanyu c7al immuten u mani gi-s iru7 uneggaru.

 

أوسمة :

اتـرك تـعـلـيـق 0 تـعـلـيـقـات

الرجاء من السادة القراء ومتصفحي موقع الريف الحر الإلتزام بفضيلة الحوار وآداب وقواعد النقاش عند كتابة ردودهم وتعليقاتهم، وتجنب الشخصنة و إستعمال الكلمات النابية وتلك الخادشة للحياء أو المحطة للكرامة الإنسانية، فكيفما كان الخلاف في الرأي يجب أن يسود الإحترام بين الجميع . ونحيطكم علما أن جميع التعليقات المنشورة في الموقع تعبر عن رأي أصحابها وليس للموقع أي مسؤولية إعلامية أو أدبية أو قانونية عليها، ولا يتحمل مسؤولية ما يُنشر نقلًا عن مواقع أخرى أو بركن آراء حرة.