Your Content Here
اليوم الأربعاء 21 أغسطس 2019 - 7:31 صباحًا
أخر تحديث : الإثنين 25 فبراير 2013 - 2:08 صباحًا

Ta7enjirt tamezyant

 

محمد شاشا :

Llah ihenni-k a-ddenya
Nec war ghar-i 7ed
R3ebd war itimen
Rebbi war-d ineddeq

Ta7enjirt tamezyant
Tuyur-as i-baba-s
War xa-s taghet a-rejwad
War ghar-s bu-yemma-s

Nettat mara tuyur
A-rqadi sem7-as
Nettata medluma
Cek te7kamed x-as

Ru7 siwd-as srem
Mara yettes ad-ifaq
7uma ad itessen
C7ar yew3ar refraq

Tira i-yetwaggen i-yezli-ya nettafi-tt attas deg yezran iqdimen, imma di cekl 7iwar nigh di tira tetqarreb gher tte3qid u ddega n-tira tcekkalent ghumud xef wenni itesran nigh iqqar. Ta d-izri d-ijjen maca itban-d am lexmi d-izran mul ijjen mani ijebbed war ghar-sen bu l3alaqa jar-asen.
Beddu n-yezli itwacsi zeg ijj n-yezli d-aqdim bedren tnayen izeyniten imezwura:
A-yitran ujenna
Sidi cehdet r7eq.
Da tnayen i-yessawalen, ta7enjirt i-xef itwafred bac ad tuyur zi taddart n-baba-s d-rrawi i-danegh it3awaden x-ssabab n-wuyur nnes, iddafa3 xa-s jar yewdan u yetwajjah lxitab i-lqadi belli le7kam nnes maci munsif minzi nettata madluma, ttuham ida-s itwajjehen tuham batila.
Llah ihennik a-ddenya
Nec war ghar-i 7ed.
Da ta7njert teqqar belli war ghar-s 7ed, maca rrawi yeqqar tuyur-as i-baba-s yemma-s war ghar-s ci, min-tt ijjin ad tini war ghar-s 7ed, da tejja-yanegh ad nadef deg iseqsan, ma baba-s i3awed i-remrac tamghart nni tetteg di-s ghezzu, nigh baba-s yexs ad-tt yewc zi bessif bac ad zay-s infek, yexs ad deg-s yeg mayen yexs alami war ghar-s bu yemma-s. U-ssabab n-icri zeg yewdan war itimnen d-rbbi-s war issiwiren. X wawar xa-s ittewqi3en, mkur ijjen min iqqar, teqs-as i-rrawi yekkar ad xa-s idafe3, ad-anegh yini min idjan.
War xa-s taghet a-rejwad
War ghar-s bu yemma-s.
Rrawi issawad-anegh ghar lme7kama u nettata medluma, min-tt ijjin ad tawed ghar lme7kama war netwiri min tegga d-ta3effant, mana-ya i-yejjin rrawi ad ikkar ad xa-s isghuy u ytettar zi lqadi ad-as yesme7 war xa-s i7ekkem ca, mayemmi war yrxs ci rrawi ad xa-s i7kem lqadi minzi yessen nettata medluma l3adala war tedji ci.
Nettata medluma
Cek te7med xa-s.
Mamec da-s teggid a-lqai.
Ta7enjirt war tenni walu d-a3effan i-baba-s u 3la7sab min teqqar texs ad-as tewc dders, ad ifaq war itghimi ca yeghfel, war ghar-s akid-s bu l3adawa illa ixes war itghimi ca yettes.
Mara yettes ad ifaq
Ad itessen c7ar yew3ar refraq.

أوسمة :

اتـرك تـعـلـيـق 0 تـعـلـيـقـات

الرجاء من السادة القراء ومتصفحي موقع الريف الحر الإلتزام بفضيلة الحوار وآداب وقواعد النقاش عند كتابة ردودهم وتعليقاتهم، وتجنب الشخصنة و إستعمال الكلمات النابية وتلك الخادشة للحياء أو المحطة للكرامة الإنسانية، فكيفما كان الخلاف في الرأي يجب أن يسود الإحترام بين الجميع . ونحيطكم علما أن جميع التعليقات المنشورة في الموقع تعبر عن رأي أصحابها وليس للموقع أي مسؤولية إعلامية أو أدبية أو قانونية عليها، ولا يتحمل مسؤولية ما يُنشر نقلًا عن مواقع أخرى أو بركن آراء حرة.